Beth rydyn ni’n ei wneud

O ddirywiad i adfywiad

Croeso i dirlenwi gwyllt, y prosiect arloesol sy’n torri tir newydd drwy droi safleoedd gwastraff tirlenwi a glaswelltir sydd wedi’i wella o’u hamgylch yn weirgloddiau blodau gwylltion, llecynnau sy’n gyfoethog o ran bioamrywiaeth, coetiroedd newydd, pyllau dŵr newydd a chlytwaith o gynefinoedd, dalfeydd carbon a chanolfannau addysgol. Ynghyd â hyn oll, mae ein pedwar safle yn puro dŵr, yn helpu i leihau llifogydd, yn creu llain o dir heb ffensys na rhwystrau sy’n galluogi adfywiad rhyfeddol o ran natur a’r amgylchedd, gan wella ansawdd aer ac ymgysylltu ag ysgolion a phartneriaid o bob rhan o gymdeithas.



Rydyn ni wedi creu adnodd addysgol unigryw a blaengar sy’n galluogi myfyrwyr, ysgolion a’r gymuned yn gyffredinol i ddod yn rhan o bethau a gwneud gwahaniaeth. Mae’r argyfryngau newid hinsawdd a natur yn broblem fyd-eang sy’n dechrau gyda gweithredu lleol. Mae’r prosiect hwn yn alwad ar i bobl weithredu i sicrhau rheolaeth gynaliadwy dros adnoddau naturiol drwy roi arbenigedd ar waith i newid defnydd safleoedd gwastraff diwydiannol er lles cenedlaethau’r dyfodol a rhai heddiw yng Nghymru.

Beth?

Prosiect arloesol ydy Tirlenwi Gwyllt sy’n trawsnewid ac yn adfer safleoedd tirlenwi gynt a’r ardal o’u hamgylch i greu cynefinoedd cyfoethog ac amrywiol ar gyfer bywyd gwyllt.

Sut?

Mae’r adnoddau tirlenwi yn cael eu capio a chynefinoedd yn cael eu sefydlu arnynt. Yn eu plith mae gweirgloddiau blodau gwylltion, rhostiroedd, gwlyptiroedd a choetiroedd. Caiff clytwaith o gynefinoedd newydd ei greu yn yr ardal gyfagos, gan wella bioamrywiaeth, gwella cysylltedd ar draws y dirwedd, creu noddfeydd ar gyfer bywyd gwyllt a chynyddu dalfeydd carbon.

Pam?

Mae newid hinsawdd a’r argyfwng bioamrywiaeth yn heriau byd-eang i genedlaethau heddiw a’r dyfodol. Nod Tirlenwi Gwyllt ydy darparu datrysiadau lleol i wella’r rhain. Ymrymuso pobl Cymru i ddeall y problemau yn well a helpu i wneud gwir wahaniaeth drwy adfer natur a’r amgylchedd.